تعلم إنشاء بوستر إعلانى إحترافى مجاناً - للتسويق لمنتجاتك وعروضك الخاصة

 السلام عليكم ورحمة الله وبركاته 

----

 النهردة هنتكلم فى موضوع مهم جدا جدا جداً للناس اللى شغالة فى الأفيلييت أو ال CPA . من الحاجات اللى لازم نعملها بكل إحترافية لما نييجى نسوق لمنتج معين أو عرض ما؛ لازم نخلى بالنا من الصورة اللى بتمثل المنتج او العرض.

الصورة دى أو البوستر الإعلانى مثلاً احرص على انه يكون جذاااب ومميز ويخطف من أول نظرة زى ما بيقولوا، وتكون احتمالية تحويل العميل كبيرة جداً بمجرد رؤيته للصورة او البوستر وقراية اللى عليه .

احنا بقى النهردة هنتعلم مع بعض ازاى نعمل كل ده ببساطة وبإحترافية.، من خلال الموقع الرائع ده Canva.com

بعد ما ندخل على الموقع ونسجل فيه بكل سهولة هتظهر لنا الصفحة الرئيسية للموقع اللى هى دى :

طبعا هنروح علطول على القائمة اللى فى اليمين دى ، وكل اللى محتاجينه من القائمة دى أول حاجتين بس.

1- المرشح لك : وفيها هتلاقى جميع التصميمات اللى محتاجها منها المجانى والمدفوع ، ولكن المجانى كافى تماماً للغرض. المهم انك هتلاقى جمييييع أنواع الصور اللى انت محتاجها ، كل صور وبوسترات منصات التواصلات الإجتماعى ( Facebook, Twitter , Instagram, Youtube, إلخ...).

وهتلاقى معظم او جميييع البوسترات الاعلانية ومختلف انواع البطاقات وأى صورة أو بوستر ممكن تتخيله لأى موقع ويب بيستخدم صور على شبكة الإنترنت.، عشان كده بجد الموقع فعلاااً رهييييب.

2- كل تصاميمك: ودى تانى حاجه بتهمنا فى القائمة اللى على اليمين عشان لو خبينا ندخل على التصاميم السابقة اللى أنشأناها قبل كده ، نقدر نوصل ليها بسهولة .

تعالوا بقى نبدأ شغل على الموقع

أولاً طبعا زى ما قولنا قبل كده هندخل على (المرشح لك) عشان نختار التصميم المناسي أو اللى محتاجينه وليكن مثلاً بوست فيسبوك.، هنروح وهندور على بوست فيسبوك وهنلاقيها بالشكل ده :

بعد نضغط عليه هتفتح لينا نافذة تانية واللى هى عبارة عن صفحة التصميم واللى فيها بقى كل اللشغل اللى هنتعلمه مع بعض دلوقتى.

بعد ما أخترنا بوست Facebook هتفتح معانا صفحة التصميم بالشكل ده:

مبدأيا احنا هنختار تصميم معين من التصميمات دى ونبدأ نعدل عليه، وبعدين هنرجع ونصمم تصميم من اول الصورة وهى فاضية ، وبكدة ان شاء الله هنقدر نتعرف على كل حاجه فى صفحة التصميم من التعديل على قالب أو انشاء قالب من الأول.

تعالوا بقى مع بعض نوضح صفحة التصميم واللى ثابتة لجميع أنواع البوسترات والصور المختلفة لجميع المنصات ولكن اللى بيختلف اشكال التصميمات بس وكل حاجة تانية زى ما هى وترتيب الأيقونات اللى على اليمين دى برده ثابت فى اى صفحة تصميم.

1. اول حاجة فى القائمة اللى على اليمين دى وهى ( القوالب ) هتلاقى قوالب كتيير جداً ولمختلف المجالات.
2. الأيقونة اللى تحت منها - ( التحميلات ) ومن خلالها تقدر تحمل أى صورة أو فيديوعشان تضيفهم للتصميم ، وبردو هتلاقى الحاجات اللى حملتها قبل كده على الموقع هنا فى ( التحميلات ).
3. الأيقون اللى تحت منها وهى ( الصور ) وفيها هتلاقى صور كتييير ومختلفة ومقسمة الى أقسااام كتييير، تقدر تختار الصورة المناسبة ليك ، ولكن فيها المجانى وفيها المدفوع ولكن زى ما قولنا المجانى كافى بالغرض.
4. ( العناصر ) وفيها هتلاقى مجموعة كبيرة جداً ومختلفة من الرموز والعناصر والأشكال اللى ممكن تضيفها لتصميمك.
5. تحت العناصر هتلاقى أيقونة ( النص ) وهنا لو حبيت تضيف نص.، وده شئ أكيد طبعا هتحتاج إنك تضيف نص يعبر عن المنتج او العرض الخاص بيك. هتلاقى فيه مختلف الخطوط باللغتين العربية والإنجليزية. وتقدر تظبط النص براحتك من الحجم ونوع الخط والألوان وكل حاجة.
6. ( الموسيقى ) دى الأيقونة اللى السادسة فى القائمة.، لو حبيت تضيف موسيقى للتصميم بتاعك، وبصراحة عمرى ما استخدمت اى موسيقى، ولا فتحت الأيقونة دى أصلاً.
7. الأيقونة اللى بعدها وهى ( مقاطع الفيديو ) ، فيها مقاطع فيديو مختلفة ممكن تلاقى اللى يناسبك وتبدأ تعدل عليه، وغالبا معظم الفيديوهات مدتها أقل من دقيقة؛ لأنها بتبقى فيديوهات دعائية.
8. الأيقونة اللى بعد كده ( الخلفية ) ودى لو حبيت تضيف خلفية معينة للتصميم بتاعك هتلاقى كتيييييير وتقريباً كلها مجاناً.
9. أخر أيقونتين دول مش هنحتاجلهم يعنى مش مهمين وهما ( المجلدات ) وال ( المزيد ).

دلوقتى هنختار اى قالب من القوالبب اللى قدامكم دى وهنعدل عليها.

وليكن القالب ده :

طبعا أول حاجه هنعملها هنضيف الصورة لخاصة بالعرض بتاعنا أو المنتج بتاعنا، ده بعد ما تاخد لفة فى ايقونة الصور عشان ممكن تلاقى صورة كويسة ، ولكن اعتقد محدش هيدخل على ايقونة الصور ، والمعظم هيحمل الصورة الخاص بى ، وبنضيفها عن طريق اننا بندخل على أيقونة التحميلات زى ما قولنا وبدأ بالتحميل زى كده:

ونروح نسحبها ونضيفها مكان الصورة بالشكل ده:

ودلوقتى هنروح نعدل على النص الموجود بالشكل ده :

بعد ما عدلنا على النصوص الموجودة فى التصميم ، من ألوان وحجم ونوع الخط.

دلوقتى تعالو نغير ألوان الخلفيات الموجودة دى، زى كده:

لو حبينا نضيف رمز معين او اى علامة او شكل - ندخل على أيقونة (العناصر) زى ما ذكرنا سابقاً ونختار الشكل اللى عايزينه.

أما دلوقتى فهنروح نضيف فيديو للتصميم والفيديو بنضيفه اما من افيديوهات الللى موجودة على الموقع ودى فى أيقونة ( مقاطع الفيديو ) زى ما قولنا أو هنضيف فيديو خاص بينا وده من خلال أيقونة التحميلات بنختار فيديو ونبدأ برفع الفيديو الخاص بينا زى كده:

أخر حاجة ودى نقطة مهمة جداً :

لما نيجى نعمل تحميل للتصميم بتاعنا من خلال السهم الظاهر فى الأعلى على الشمال ده ، نخلى بالنا لو احنا أمشأنا تصميم فيديو أو بوستر بيحتوى على فيديو، يبقى لما نيجى نحمل التصميم بنختار التحميل فى صورة فيديو،زى كده:

 أما لو كان العكس ، يعنى التصميم عبارة عن بوستر أو صورة ، فكده بنختار اى صيغة من صيغ الصور المناسبة لينا. زى كده :

لمتابعة الشرح بالفيديو من خلال الفيديو التالى:

وبكده أصدقائى احنا شرحنا تقريباً كل الحاجات المهمة فى الموقع ، ولكن أدخل الموقع وابدأ فى التصميم وإكتشف حاجات تانية ممكن تكون ليها أهمية عندك زى مثلا: الموسيقى أو الأشكال والرموز وهكذا.

أى سؤال أو إستفسار أكتبولى فى الكومنتات على الموصوع هنا أو راسلونى على الصفحة عن طريق أيقونة ماسنجر اللى ظاهرة قدامكم فى الموقع، وانا ان شاء الله معاكم خطوة بخطوة .

Facebook & Pinterest