تعرف على أماكن وضع الكلمات المفتاحية فى مواضيع بلوجر 2021

مواضيع مفضلة

الجمعة، 17 يناير 2020

تعرف على أماكن وضع الكلمات المفتاحية فى مواضيع بلوجر 2021


الكلمات المفتاحية (الدلالية) ليها دور كبير جدا فى ترتيب ظهور مدونتك فى صفحات محرك بحث جوجل لذلك إحرص دايماً على أن تكون الكلمات دى قوية وإحذر إنك تضيف كلمات دلالية ملهاش علاقة بالموضوع اللى بتكتب عنه، يبقى أول حاجه لازم تفكر ازاى تحصل على الكلمات الدلالية.

كيف يمكنك جلب الكلمات المفتاحية؟
هتقدر تحصل على كلمات مفتاحية من خلال أفضل 10 أدوات بحث عن الكلمات الدلالية، ممكن تضيف رابط أو تضيف نيتش الموضوع اللى بتتكلم عنه وهتقدر تحصل على الكلمات الدلالية المناسبة والقوية، ومش بس كده بعد ما تحصل على الكلمات الدلالية لازم تختبرها وتشوف الكلمات الدلالية اللى عليها بحث عالى وبأقل قيمة وهتقدر تحصل على التحليلات دى من خلال موقع Ubersuggest الرائع، والموقع ده تقدر من خلاله انك تحلل مواقع المنافسين وتحصل على نفس الكلمات الدلالية اللى ساعدتهم فى تقدم ترتيبهم فى محرك بحث جوجل.



أين يمكن وضع الكلمات المفتاحية فى موضوع بلوجر؟
بعد ما قدرنا نحصل على الكلمات الدلالية تعالو نتعرف مع بعض فين أقدر أضيفها.

     - وصف البحث
     - عنوان الموضوع
     - الموضوع
     - الصورة الرئيسية للموضوع أو أى صورة
 

_______________________________
وصف البحث

وانت فاتح قالب الموضوع هتلاقى فى القايمة اللى على شمالك Search Description هتضغط عليها هيفتح مربع البحث وحط فى الكلمات الدلالية .


أما اذا خاصية البحث مكنتش متفعلة عنك تقدر تفعلها من هنا:
أرجع خطوة لورا وأدخل على Settings على اليمين 


بعد كده أدخل على Search preferences


أضغط  على Edit فى أول حاجه فوق  اضغط على Edit واختر نعم هيفتحلك مربع حط فيه وصف المدونة بتاعتك واضغط على حفظ
بعد كده هتلاقى خاصية وصف البحث اتفعلت فى الموضوع.

عنوان الموضوع
طبعا من المهم جداً والطبيعى انه يكون عنوان الموضوع مرتبط بدرجة كبيرة بمحتوى الموضوع نفسه، طب ايه رأيك لو قدرنا نضيف فى العنوان كلمة مفتاحية أو اتنين من الكلمات الدلالية المهمة اللى قدرنا نحصل عليها بحيث يفضل العنوان منسق ومنظم زى مثلاً العنوان اللى اخترته للموضوع ده اللى انت بتقراه دلوقتى 

(تعرف على أماكن وضع الكلمات المفتاحية فى موضوع بلوجر)
(تعرف على أماكن وضع الكلمات المفتاحية فى موضوع بلوجر)

هتلاقى فى كلمتين دلاليتين للموضوع ده ضفتهم فى العنوان بدون حدوث أى خلل فى العنوان وهما (الكلمات المفتاحية)-(أماكن وضع الكلمات المفتاحية)



الموضوع
حاول إنك تضيف الكلمات المفتاحية فى الموضوع واللى هى تعتبر جزء من سياق الكلام أو انت هتخليها جزء من سياق الكلام يعنى متبقاش كلمة شاذة فى الموضوع أو تخل بترتيب المعنى .



الصورة الرئيسية للموضوع أو أى صورة
تعالو نتعرف على المكان المهم جدا ده واللى مش معروف لإضافة الكلمات الدلالية وهو الصورة الرئيسية للموضوع .
بعد ما هنضيف الصورة الخاصة بالموضوع هنضغط عليها هتتظلل وهتظهر قائمة أفقية نختار منها Properties 


بعد ما تضغط هيظهرلك المربع ده


أكتب فى المربع الأول عنوان الصورة اللى ممكن يكون عنوان الموضوع.
ضيف فى المربع التانى الكلمات الدلالية واللى أتفقنا انها متكونش حشو وخلاص عدد قليل من الكلمات المفتاحية المهمة والقوية، وبعد كده أضغط على OK.





هناك 8 تعليقات:

  1. كيف تقوم بوضع اعلانات علي مدونتك وانت تستخدم دومين مجاني

    ردحذف
    الردود
    1. فين المشكلة ادسنس يقبل المدفوع والمجاني

      حذف
  2. دلوقتى انا بجيب كتب وبكتب نبذةعن كل كتاب وانشره هل دةينفع

    ردحذف
  3. ايوه ينفع ، فين المشكلة

    ردحذف

المشاركة على واتساب متوفرة فقط في الهواتف